بعد ما حاجه يذبح بينا الفغاني ولا عبوا بدرب يزرعلي ايراني وما يدخل يهودي ولا امريكاني احنا اخوان واحد يذبح الثاني بير التفرقا حفرتا المريكان وادري وما طحت بس هوا جراني خمس اسنين يذبح واني راسي بجيس وبجنطه جسد وبجنطه ذرعاني جبت عمرك حكم بسك بعد شتريد تظل ابن القصر وابن الكصب اني واظل بلا اظافر وانت سجاني وتظل تنكل حطب لديالى ميساني وتظل ويه العرب واخواني ذوله تكول ويسلونك علي وتكلهم ايراني باوع على اخوانك بيه شيسون وشف شلون اخوك يرجع احساني يعوف اختي بعبوته مكشفا على الكاع يتفرج عليها الزاني والداني وانا لكل اعربيا تكشفت هديت واغطيها بقميصي والبس الثاني من هدوا عليك وطبوا لعمان ما كلتلك اختك هذا غطاني وانا لو مو شريف اليوم اطب ردود ونزعهن وكلهن ذني قمصاني عمر اعلف عليكم والشعب جوعان ويلوموني واكلهم ذوله فرساني تالي تهد علي واحصاني ميت جوع والله تندمت لو عالف احصاني لمريكا شلع كلكم حنيتوا الراس عذرتوا ارواحكم وتعيرت اني انا صح تنكت كدام المريكان ولكن تنكت شديت قيطاني ولان شيعي الحكم ادفع ضريبا تريد هوا انا شحصلت والشيعي شنطاني انكسر قلبا على كوخي وكال اهدما اليوم وابنيلك قصر تسكنا بس تاني بس تاني وتاني وصارخمس سنين وانت من القصر طابوكا ما باني حتى التاني ملت من المتانا اذا اكلها تاني تكلي ما تاني بعد ما انتخب لا والله والعباس لو كتبوا اسم بايات قرآني بيت الطين يرجف وهما عركانين وصورهم لزكوها بطين حيطاني وشعارات على بيتي يدكلا طوله قماش وانا بعازت قماش يغطي رضعاني رد لفندقك والجبتا اخذا وياك ما اريد القصر ردني على بنياني
انشاء الله يعجبكم ولا تنسون الردود
الخميس يوليو 08, 2010 3:18 pm
