لانك بالتزامك مو من اهلك
اخاف تشيل ذنبي مو من اهلك
منو بكدي يحبك مو من اهلله
منو بكدي يحبك من عشرتك
وتمنة يصير اصبع من عشرتك
وانة شكضيت خايب من عشرتك
اعد بسنين عشرتنة وهي جروح
واحس وية النفس يطلع وهج روح
واخيرا كتلي ودعني وهج روح
اروحن وين ما اكدر هوة انت
وناة الما هان من اجلك هونتة
الي بدنياي شي واحد هوة انت
وحرت بين التركتة والتبعتة
انة الونيت والون ون تبعتة
ما باعك حبيبك وانت بعتة
حبيبك باع عمرة واشتراك بي
وحزن كلبي علة حزنك واشترك بي
بعد شتدوس كلبي وشترك بي
جبل حبة وتكلكل لن تكل بي
ويدنية شما دفعتي لن تكلبي
واذا تنسى يكلبي لنتة كلبي
ولا اريدك بعد وبصري احملك
وحبيبي شلون ترضة بصد رحم الك
اذا حملك يتعبك بصدري احملك
الي وروحي الارض وشكد دولهة
وتداوي الداء لو بالمخ دوة الهة
بس العين ما يحصل دوة الهة
دواهة العين خلهة من تقر بي
وتصب كلما تشوفك منت قربي
ولك شيصير حبك من تقر بي
تحبني انت يقين بصدري مو شك
الف شوكة سكوت بصد رموشك
انذبح كلبي وتشضة بصد رموشك
وعرف محد يدفنة وشي دفن شي
وعكب صدرة المواكد شيدفن شي
كفر من رسم غيرك شي دفن شي
واضن للجنة يدخل من يرسمك
وحبيبك يمسح اسمة من يرة اسمك
بسمك حبي جمالك من يرة اسمك
وانة الليل بعيونك شفتة كحلة
وشفت شمس الاصيل وشفتك احلة
العسل من ضكتة كلك شفتك احلة
اذا لو من شفاهك بستك اشفة
اذا انت المات يعدل بس تكشفة
شتضن حبك يضعفك بس تكشفة
السبت يوليو 10, 2010 5:20 pm